មិនធម្មតាទេ ព្រះទេពកោសល្យរបស់ព្រះអង្គ នរោត្តម ចេនណា ថ្ពក់បេះដូងជនជាតិថៃឡើងកក្រើក

តារាថ្ងៃច័ន្ទុ ទី05 ខែកក្កដា ឆ្នាំ2021 ម៉ោង 8:12 នាទី ល្ងាច

អត្ថបទ សូរ្យរិទ្ធ៖

ព្រះនាង នរោត្តម ចេនណា អាយុ  ៩ ព្រះវស្សា មានព្រះសមត្ថភាពជាច្រើនមុខ និងថ្មីៗនេះ ព្រះនាងតូចបានចេញ អាល់ប៊ុមចម្រៀងជាភាសាថៃ ច្រៀងយ៉ាងច្បាស់ដូចជនជាតិគេ រហូតដណ្តើមបេះដូងពីជនជាតិថៃបានយ៉ាងអស្ចារ្យ ។

ព្រះនាង ចេនណា ជាព្រះញាតិវង្សកម្ពុជាមួយព្រះអង្គដែលមានទេពកោសល្យដ៏អស្ចារ្យ ទាំងសម្តែងកាយវិការ ទាំងសំនៀងច្រៀងដ៏ពីរោះ ទាំងបទខ្មែរ ថៃ និងចិនទៀតផង ។

ព្រះនាងនរោត្តម ចេនណា ប្រសូតថ្ងៃទី ១១ ខែមីនា ឆ្នាំ ២០១២ នៅទីក្រុងប៉ារីស ប្រទេសបារាំង ជាព្រះបុត្រីរបស់ សម្តេចនរោត្តម បុប្ផារី និងស្វាមីជនជាតិបារាំង,  ព្រះអង្គម្ចាស់នរោត្ដម ចេនណា ត្រូវជាចៅស្រីរបស់ព្រះអង្គម្ចាស់ នរោត្តម ចក្រពង្ស់ ។

កាលព្រះអង្គមានព្រះជន្ម ៣ ព្រះវស្សា ព្រះអង្គ និងគ្រួសារបានផ្លាស់មកព្រះរាជដំណាក់នៅភ្នំពេញ ព្រះអង្គសិក្សា ៥ ភាសា គឺភាសាខ្មែរ អង់គ្លេស បារាំង ចិន និង ថៃ អាចនិយាយ និងអានបានច្បាស់ទៀតផង ពិសេសព្រះអង្គមានព្រះសមត្ថភាពច្រៀង និងសម្តែង ជាទេពកោសល្យដ៏គ្មានអ្វីប្រៀប ។

ក្នុងឆ្នាំ ២០១៨ ព្រះអង្គនរោត្តម ចេនណា ទ្រង់រួមសម្តែងភាពយន្តរឿង  «ទេពធីតាផ្កាថ្កុលមាស» ដែលបានចាក់ផ្សាយនៅទូរទស្សន៍កម្ពុជា ហើយប៉ុន្មានថ្ងៃមុន នៅក្នុង YouTube របស់ព្រះអង្គ ចេនណា បានចេញវ៉ុលនៃបទចម្រៀងរបស់តារាជើងចាស់ថៃ «បឺត ធុងឆៃ» គឺបទភាសាថៃ «លីនកាប់ហ្វាន់ (អណ្តាតនិងធ្មេញ)» និងជាភាសាចិន ច្រៀងបានយ៉ាងពិរោះ និងច្បាស់ ។

ក្រៅពីនេះ  ព្រះអង្គមាន Channel YouTube ឈ្មោះ Jenna Norodom Behind The Scenes ដែលរួមមានករណីយកិច្ចការងារផ្សេងៗ ទាំងការចុះទៅមូលដ្ឋានចែកអំណោយជូនប្រជានុរាស្ត្រទៀតផង ៕


ហាមធ្វើការចម្លងអត្ថបទ ដោយមិនមានការអនុញ្ញាត្តិ។

ភ្ជាប់ទំនាក់ទំនងជាមួយយើងឥឡូវនេះ

អត្ថបទប្រហាក់ប្រហែល


ពាណិជ្ជកម្ម

អត្ថបទថ្មីៗ

អត្ថបទពេញនិយម