ពីវេបសាយ​ posttoday

ដោយ សូរ្យសែង៖

ទីភ្នាក់ងារសារព័ត៌មានស៊ីអិនអិន (CNN) កាលពីថ្ងៃសៅរ៍បានរាយការណ៍ថា ក្រុមអ្នកជំនាញមិនមានការសង្ស័យអ្វីឡើយ អំពីប្រសិទ្ធភាពនៃវ៉ាក់សាំងការពារមេរោគកូវីដ-១៩ ដែលផលិតដោយប្រទេសចិន ព្រោះត្រូវបានគេជឿជាក់ថាអាចកាត់បន្ថយជំងឺធ្ងន់ធ្ងរ និងការស្លាប់បានច្រើន ។

របាយការណ៍បាននិយាយថា បណ្តាប្រទេសដូចជា ម៉ុងហ្គោលី, ស៊ីស្ហែល និងឈីលី បានប្រើប្រាស់វ៉ាក់សាំងការពារ កូវីដ -១៩ ផលិតនៅក្នុងប្រទេសចិន ភាគច្រើនបានដំណើរការចាក់វ៉ាក់សាំងគ្រប់ដូស ឲ្យប្រជាជនជាង ៥០ ភាគរយ ហើយទោះបីចំនួនករណីនៅតែបន្តកើនឡើងក៏ដោយ ប៉ុន្តែនេះមិនមានន័យថា វ៉ាក់សាំងចិនគ្មានប្រសិទ្ធភាពនោះទេ ។

ប្រទេសចិនមានវ៉ាក់សាំងការពារកូវីដ-១៩ ត្រូវបានអនុម័តសម្រាប់ការប្រើជាបន្ទាន់ដោយអង្គការសុខភាពពិភព លោក (WHO) គឺស៊ីណូហ្វាម (SinoFram) និងស៊ីណូវ៉ាក់ (Sinovac) វ៉ាក់សាំងទាំងពីរត្រូវបានផលិតដោយវីរុសអតិសុខុមប្រាណអសកម្ម ដើម្បីជំរុញការឆ្លើយតបនៃប្រព័ន្ធភាពស៊ាំចំពោះអ្នកជំងឺ ។

«ប្រសិនបើយើងចង់កាត់បន្ថយចំនួនអ្នកជំងឺធ្ងន់ធ្ងរ និងការស្លាប់ វ៉ាក់សាំង SinoFarm និង Sinovac អាចជួយបាន» ។ ប្រសាសន៍របស់លោក  ជិន ទុងយាន (Jin Dongyan) សាស្រ្តាចារ្យផ្នែក អេកូឡូស៊ីមកពីសាកលវិទ្យាល័យ ហុងកុង ។

«យើងមិនអាចបែងចែករវាងវ៉ាក់សាំងកូវីដ -១៩ ថាវ៉ាក់សាំងនេះល្អ ឬអាក្រក់នោះទេ នេះគឺដោយសារតែវ៉ាក់សាំងដែលមានទាំងអស់អាចកាត់បន្ថយហានិភ័យនៃជំងឺធ្ងន់ធ្ងរបាន» ។

លោក Encaihan Lakwazuren ប្រធានការអនុវត្តគោលនយោបាយសុខភាពនៅក្រសួងសុខាភិបាលម៉ុងហ្គោលីបានមានប្រសាសន៍ដូច្នេះ ។

ទោះយ៉ាងណានៅខែមិថុនាកន្លងទៅ ក្រសួងការបរទេសចិនបានប្រកាសថា ប្រទេសចិនបានបញ្ជូនវ៉ាក់សាំង COVID-19 ចំនួន ៣៥០ លានដូសទៅជាង ៨០ ប្រទេសនៅលើពិភពលោក ខណៈពេលដែលបណ្តាប្រទេសលោកខាងលិចកំពុងស្តុកទុកវ៉ាក់សាំងសម្រាប់ប្រជាជនខ្លួនឯង ៕

 ខ្លឹមសារព័ត៌មាននិងរូបភាពសហការជាមួយទីភ្នាក់ងារសារព័ត៌មានស៊ីនហួ