ដោយ សូរ្យសែង៖
ឆ្នាំ ២០២១ ជាឆ្នាំពិភពលោកជួបអាកាសធាតុក្តៅ តួយ៉ាងតំបន់ប្រ៊ីសទិសកូឡុំបៀរបស់ប្រទេសកាណា សីតុណ្ហភាពឡើងខ្ពស់ជិតដល់ ៥០ អង្សា បណ្តាលឱ្យមនុស្សស្លាប់ជាង ៧១៩ នាក់ហើយ ។ អ្នកសិក្សាបានចង្អុលបង្ហាញថាការឡើងកំដៅផែនដីនឹងកាន់តែធ្ងន់ធ្ងរ សីតុណ្ហភាពនៅលើស្រទាប់ផែនដីនៅតែបន្តកើនឡើងឥតឈប់ឈរ ។
ស្រុកលិតតុន ជាស្រុកតូចៗ មានចម្ងាយពីវេនគួវើរទៅភាគខាងឆៀងខាងជើងប្រមាណ ២៧៥ គ.ម. មានសីតុណ្ហភាព ៤៩.៦ អង្សាកាលពីថ្ងៃទី ២៩ ខែមិថុនាកន្លងទៅ ។ នៅភាគខាងត្បូងនៃព្រំដែនរដ្ឋអូរេហ្គន សហរដ្ឋអាមេរិក ដូចជាស្រុកផតលេន មានកម្រិតកម្តៅ ៥៦,៦ អង្សាជាប្រវត្តិសាស្ត្រ បំផ្លាញស្ថិតិពីមុន ៤១,៦ អង្សាក្នុងឆ្នាំ ១៩៦៥ ។
កាលពីថ្ងៃទី ២២ ខែមិថុនា ស្រុកនូវ៉ៃស៊ីបរបស់ប្រទេសគូវេត បានកត់ត្រាទុកនូវសីតុណ្ហភាពក្នុងឆ្នាំនេះ ៥៣.២ អង្សា និងថ្ងៃទី ១ កក្កដាកន្លទៅ ប្រទេសអ៊ីរ៉ាក់កម្តៅឡើងដល់ ៥១,៦ អង្សា, ទីក្រុងអូមិឌិយេហ៍ របស់ប្រទេសអ៊ីរ៉ង់ សីតុណ្ហភាពកម្តៅឡើងដល់ ៥១ អង្សា និងប្រទេសមជ្ឈិមបូព៌ាជាច្រើនទៀត មានដូចជា សហរដ្ឋអារ៉ាប់ អេមីរ៉ាត់ អូម៉ង់ និង អារ៉ាប៊ីសាអ៊ូឌីត មានកម្តៅ ៥០ អង្សា ។
សីតុណ្ហភាពកិម្តៅដែលខ្ពស់ជាងគេ កំណត់ត្រាជាផ្លូវការគឺ ៥៦,៧ អង្សា កំណត់ត្រានៅក្នុង California’s Death Valley ក្នុងឆ្នាំ ១៩១៣, កម្តៅក្តៅបំផុតនៅអាហ្វ្រិក ៥៥ អង្សា ក្នុងទីក្រុងខេលប៊ីលីប្រទេសទុយនេស៊ីក្នុងឆ្នាំ ១៩៣១ ។ សម្រាប់អាស៊ី អ៊ីរ៉ង់ធ្លាប់មានកម្តៅ ៥៤ អង្សាកំណត់ត្រាក្នុងឆ្នាំ ២០១៧ ៕