ដោយ ម៉ារ៉ា៖
បន្ទាប់ពីសម័យប្រជុំសភាប្រើពេលយ៉ាងយូរ បានសម្រេចសំណើជ្រើសរើសលោក ភីថា ជានាយករដ្ឋមន្ត្រី គឺជាសំណើម្តងរួចមកហើយ ច្បាប់ចែងថាមិនអាចដាក់ស្នើបោះឆ្នោតជ្រើសរើសនាយករដ្ឋមន្ត្រីក្នុងជុំទី ២ បានម្តងទៀតឡើយ ។
សភាបានអនុម័តសេចក្តីសម្រេចមួយស្របតាមប្បញ្ញត្តិ៤១ ដែលចែងថា សំណើសុំបោះឆ្នោតជ្រើសរើសលោក ភីតា លីមចំរើនរ៉ាត់ ជានាយករដ្ឋមន្ត្រី ជាលើកទី ២ មិនអាចទៅរួច គឺជាសំណើដដែល ដែលបានទម្លាក់ម្តងមកហើយ ។
ប្បញ្ញត្តិ ៤១ របស់ថៃចែងថា «រាល់សំណើដែលត្រូវបានបោះឆ្នោតទម្លាក់ម្តងហើយ ហាមនាំមកស្នើម្តងទៀត លើកលែងសំណើណាដែលមិនទាន់បានដោះស្រាយ ឬអនុម័ត ឬសំណើដែលប្រធានរដ្ឋសភាអនុញ្ញាត តែទោះយ៉ាងណាវាអាស្រ័យលើប្រធានរដ្ឋសភា ដែលអាចពិចារណាឲ្យមានការស្នើម្តងទៀតបាន ។
ដោយសារការបរាជ័យនៅជុំទី ២ ធ្វើឲ្យភ្លើងបាតុកម្មបានឆេះឡើងនៅវិមានប្រជាធិបតេយ្យនាទីក្រុងបាងកក នៅថ្ងៃទី ១៩ កក្កដា ដែលមានក្រុមរណសិរ្សថាំម៉ាសាត រួមជាមួយបណ្តាញសាធារណៈ បានរៀបចំ ។
នៅដៃបាតុករមានស្លាកសរសេរថា «ឲ្យអញបោះឆ្នោត តែពួកតែងតាំងប្លន់អំណាច», «បោះឆ្នោតបានលើកទី១ តែវាប្លន់អំណាចគ្រប់យ៉ាង...» ៕
ប្រភព spring