ប្រភពពី khaosod
ដោយ ម៉ារ៉ាៈ
BBC រាយការណ៍នៅថ្ងៃទី ៣ ខែកុម្ភៈថា ក្រសួងការបរទេសសហរដ្ឋអាមេរិកបានអនុម័តកិច្ចព្រមព្រៀងលក់អាវុធដែលមានតម្លៃជិត ៤ ពាន់លានដុល្លារទៅឱ្យឥណ្ឌា ។
ចំពោះសព្វាវុធនៅក្នុងកិច្ចព្រមព្រៀងទិញនេះ គ្របដណ្តប់លើយន្តហោះគ្មានមនុស្សបើកចំនួន ៣១គ្រឿង (Drone) ម៉ូដែល MQ-9 Reaper ដែលពីមុនត្រូវបានគេស្គាល់ថា Predator B, មីស៊ីល AGM-114 Hellfire, កាំជ្រួចអាកាស, កាំជ្រួចប្រឆាំងពាសដែកលើផ្ទៃ 170, កាំជ្រួចឡាស៊ែរ 310 គ្រាប់បែករំកិល និងឧបករណ៍ឈ្លបយកការណ៍ ។
កិច្ចព្រមព្រៀងសព្វាវុធរវាងអាមេរិក និងឥណ្ឌាត្រូវបានប្រកាសជាផ្លូវការកាលពីនាយករដ្ឋមន្ត្រីឥណ្ឌា ណារេនដ្រា ម៉ូឌី (Narendra Modi) ធ្វើទស្សនកិច្ចនៅសហរដ្ឋអាមេរិក កាលខែមិថុនាឆ្នាំ 2023 ។
យ៉ាងណាក៏ដោយ គណៈកម្មាធិការព្រឹទ្ធសភាបានបញ្ជាឲ្យផ្អាកការពិចារណានៅខែធ្នូ ឆ្នាំ២០២៣ កំពុងរង់ចាំការស៊ើបអង្កេតលើការចោទប្រកាន់អំពីផែនការធ្វើឃាតសកម្មជន Sikh នៅសហរដ្ឋអាមេរិក និងអាចពាក់ព័ន្ធនឹងរដ្ឋាភិបាលឥណ្ឌា ៕